Próf og langþráðir gestir á morgun!

Já, á morgun er seinna prófið mitt í Bygningsenergi og þá er sá kúrs búinn! Takk fyrir, túkall!

Um leið og ég hef lokið prófinu, nánar tiltekið klukkan fimm held ég niður í bæ að hitta Svenna, Nenna og Nínu. Jibbbíííí...!!! Þau verða hjá okkur alla helgina og fá þann heiður að vera fyrstu alvöru gestirnir okkar.

Heyrið meira frá því síðar. God arbejdslyst!

Afmælis og jóla...

Fallegt veður hér í Danmörku á fyrsta í aðventu. Nágrannarnir að setja upp jólaljós, við líka. Lykt af nýbakaðri skúffuköku, hef ekki tíma til að baka smákökur. En Svenni á afmæli á morgun, hann verður að fá köku. Dísa, Hannes og kannski Tóta koma í kaffi. Dísa kemur með smákökur með sér, hún er búin að baka. Dugleg. Er að læra, reikna út járnabendingu í plötur, bita og súlur. Smákökur og skúffukaka eru því verðskuldaðar í kaffinu.

Afi minn átti sjötugsafmæli í gær og óskum við honum innilega til hamingju með daginn. Hann hélt svaka partý í Njarðvíkinni sem við misstum því miður af.

Gleðilega aðventu og munið eftir afmælisbarninu á morgun!

Jamm og jæja.

Best að blogga eitthvað...
Ég er núna í tíma, ekki enn að fylgjast með. Ég á voðalega erfitt með að fylgjast með í þessu vegna þess að kennarinn virkar eins og Þorsteinn Vilhjálmsson, sá merki eðlisfræðijöfur. Annars er þetta í fyrsta sinn sem ég blogga á þessari tölvu, þ.e. nýju tölvunni minni.
Hún er alveg þokkaleg. Alls konar töff fídusar, eins og t.d. fjarstýring og DVD skrifari. Annars er ég ekki alveg sáttur við batteríið, það endist ekki nema þrjá tíma sem er tveimur minna en hin. Þess vegna hef ég fengið leyfi hjá Stuðlauginni til að kaupa stærra batterí í hana, 12-sellu í stað 6-sellu. það ætti að láta hana, tölvuna ekki Stuðlaugu, duga í allt að 8 tíma, sem er svakalegt. Ég mun samt alveg sætta mig við sex tíma. Það er líka þægilegt að vera með svona mikið pláss. Ég er með 36,5 GB af músík og alla Blackadder og Fawlty Towers inni æa desktopinu til að stutta mér stundir ef ég nenni ekki að læra.

Þraut: Er hægt að mæla Snæland og ef svo er, hver myndi vera einingin á Snæland?

Takmark þessarar þrautar er að gera samskipti milli karlmann skiljanlegri. Dæmi: Gunni segir við Sigga, "Mér tókst að fá að kaupa Porsche 911S, en það tók 34,6 kSnælönd á konuna." Gunni segir: "Nú! Ég þurfti eingöngu 15 kSnælönd til að fá BMW M5."

Skýring fyrir þraut: Flestir karlmenn í sambandi kannast við það að þurfa að réttlæta ýmislegt fyrir konunni. Dæmi um þetta er t.d. ef karlmanninn vantar nauðsynlega veiðistöng en konan telur að peningunum væri betur varið í eitthvað annað, s.s. garn, nálar eða tvinna og gefur því ekki leyfi fyrir viðkomandi hlut, nema gegn tímasekt. Það krefst kunnáttu að ná sínu fram og getur krafist þess að maðurinn lofi einhverju í staðinn fyrir viðkomandi bón hans. Það fer eftir hlutum hvað mikið þarf að leggja á sig, t.d. ný tölva þarfnast meiri sannfæringarkrafts, [Snæland], en notuð veiðistöng.

Heimkoma um jólin!

Vá, hvað ég er farin að hlakka til að koma til Íslands um jólin! Við tökum síðasta prófið okkar 21. des og lendum því ekki á Íslandi fyrr en kl.22:10 22. des. Svo förum við aftur út á nýársdag því skólinn byrjar aftur 2. jan! Já, þá er alveg kreisí. Maður verður varla búinn að kyngja jólasteikinni þegar við erum mætt í 9-17 vinnu í skólanum. Í janúar tekur maður bara einn kúrs og hann er kenndur í átta tíma á dag í þrjár vikur. Það verður spennandi að prófa það.

Núna er annars nóg að gera eins og venja er á þessum tíma. Við erum á fullu að klára lokaverkefnin í kúrsunum og ætlum helst að vera búin að öllu þegar Nína og Nenni koma til okkar 1. des. Oh, það verður svo frábært að fá þau í heimsókn. Fyrsta alvöru heimsóknin til okkar. Þau verða yfir helgina og við munum hafa það notalegt í jólastemmningunni hér í Köben; kíkjum á jólamarkaðinn í Tívolíinu og röltum á Strikinu. Ég hlakka rosa til!

Já, eintóm gleði hérna megin ;-) En hjá ykkur?

Gaman! Gaman!

Það var íslendingadjamm um helgina. Eins og við var að búast þá var ég í pool allt kvöldið og lenti í tvímenningsspili með strák sem er ekki jafn góður í pool og ég. Hann er reyndar ekki heldur jafngóður og hópur af heyrnarlausum leðurblökum sem varð til þess að við töpuðum tvisvar í röð. Seinni leikurinn fór þannig að ég var búinn að hitta öllum kúlunum okkar og hitt liðið engum af sínum og hann átti að hitta svörtu niður en hann hitti ekki í fyrstu tilraun heldur fór hvíta í hana af batta og setti hana niður í vitlaust gat. Frábært!
Eftir djammið var tótan ekki í ökufæru ástandi þannig að ég fékk að keyra bílinn hans Helga, bróður hennar. Það er BMW 520i, með L6 mótor. Það er svo gott að keyra þennan bíl að ég vil núna eiga eins bíl. Það er einhvern veginn allt svo solid í honum. Ég skil núna af hverju CAR elskar alla BMW bíla.
Við erum að fara að kaupa aðra tölvu. Hún verður einnig frá HP; Pavillion dv4000.
1.7GHz Pentium M 2MB cache
1024MB RAM
80GB HD
DVD skrifari með Lightscribe (*)
4 USB2.0 og 1 Firewire 4pin
6in1 kortalesari
1280X800 skjáupplausn
(*) Lightscribe er tækni sem gerir manni kleift að merkja diskana í drifinu sem maður skrifar á þá. Maður skrifar í þá, tekur þá út, snýr þeim við og skrifar á þá. Massatöff!

Ég er núna glaður. Það er fátt sem gleður mig jafnmikið og að kaupa flottar græjur.

Þraut: Þekkir þú einhvern sem er betri en ég í Pool?

Jæja, nú er nóg komið

Ég ætla að hætta með hitt bloggið mitt. Tilgangurinn með því hefur alltaf verið að vera asnalegur, helst án þess að allir, þ.e. Mamma, átti sig endilega á því hvað ég get verið asnalegur.
Því er því hér með slúttað og skora ég því Hörpu og Skötuhjúin S&E að hætta sínum líka. Þetta er bara tímasóun. Bandvíddarsóun líka fyrir þá sem skoða þetta.

Well, Stuðlaugin klukkaði mig.

Núverandi tími: 14:08 (í tíma að fylgjast ekki með)
Núverandi föt: Gallabuxur, föðurland, naríur, tveir eins sokkar, bolur, skyrta.
Núverandi skap: Bara þokkalegt, spenntur fyrir svínahnakkanum sem bíður eftir að vera grillaður í (rembingshljóð) og borðaður af mér.
Núverandi hár: Nægilega stutt til að fokkíng brúskurinn pirri mig ekki. Vildi samt að ég væri með hárrót eins og Erling.
Núverandi pirringur: Það er ekkert að gerast í skólanum. Ekkert alltof erfitt að þola það samt.
Núverandi lykt: Mandarínulykt af höndunum mínum.
Núverandi hlutur sem þú ættir að vera að gera: Fylgjast með.
Núverandi skartgripir: Trúlofunarhringur, úr og hringur í...
Núverandi áhyggja: Ég hef aldrei áhyggjur.
Núverandi löngun: Beikon. Heavy special með extra beikoni.
Núverandi ósk: Beikon. Heavy special með extra beikoni. Aðeins meira beikon.
Núverandi farði: Slef á höku. Súkkulaði á kinn utan færis tungunnar.
Núverandi eftirsjá: Að hafa ekki downloadað í gær þegar hraðinn var góður. Hann er nefnilega slæmur núna.
Núverandi vonbrigði: Downloadihraðinn er svo slæmur.
Núverandi skemmtun: Fótbolti á morgun. Bíó á morgun. Blackadder og Fawlty Towers sem ég er að downloada.
Núverandi ást: Tulip beikon.
Núverandi staður: Stofa 70 í byggingu 421 í DTU.
Núverandi bók: Charlie and the Chocolate factory á iPodinum. Hljóðbók.
Núverandi bíómynd: Asnalegt. Star Wars í gær og In Her Shoes á morgun. Svaka stuð. Samt er Harry Potter 3 skemmtileg.
Núverandi íþrótt: Fótbolti og Pool. Ég er svo bestur í Pool. Skora líka fullt í fóara.
Núverandi tónlist: Nýja platan með Beck, Guero. Black Sabbath með Ronnie James Dio sem söngvara. Samt eiginlega bara rokk.
Núverandi lag á heilanum: Ohh! Oh! Ooooohhh! Peaches&Cream með Beck af Midnite Vultures.
Núverandi blótsyrði: Shite! Bugger! Blast!
Núverandi msn manneskjur: Það er eitthvað lítið.
Núverandi desktop mynd: HP desktop
Núverandi áætlanir fyrir kvöldið: Borða, sjónvarp, hanky panky?
Núverandi manneskja sem ég er að forðast: Fólk sem talar bara dönsku.
Núverandi dót á veggnum: Fokkíng stór hátalari.

Ég er að átta mig á því hvað ég sakna seglanna minna mikið. Ég er að hugsa um að taka þá með mér út.

Þraut segiði? OK. Ég nenni samt ekki að númera þær.
Þraut: Hver er besta Blackadder serían?

Frábær helgi!

Ég er búin að setja inn myndir frá helginni. Steina hefur verið hér í Köben í árshátíðarferð með vinnunni. Ég var reyndar veik daginn sem hún kom en harkaði af mér og við Tóta fórum með henni í verslunarleiðangur á föstudaginn. Á laugardaginn fórum við svo út að borða með nokkrum vinnufélögum Steinu og á Sálina. Þar hittum við svo ótrúlega marga sem við þekktum - enda kannski ekki skrítið þar sem um 1500 Íslendingar voru á staðnum. Við hittum m.a. Jóa meistara, Kristínu ex-VSÓ gellu, gamla skólafélaga úr MR og marga fleiri. Í gær höfðum við það svaka notalegt og kíktum með Steinu á Strikið og fórum á kaffihús við Nyhavn. Héldum svo öll í sveitina og elduðum rosa góðan mat. Það var alveg æðislegt að vera með henni Steinu okkar!

En lesið endilega bloggið frá Svenna hér að neðan - loksins kom eitthvað frá honum ;-)

Hliðröxin

Ég sit núna í databar í byggingu 421. Þegar ég steig út úm miðdyrnar í strætó áðan var ég að hlusta á megadeth í góðum fílingi. Þetta leit út fyrir að verða ágætur dagur. Var að fara skila verkefni sem er búið að vera í bígerð í fimm vikur. Þrjár vikur í afmælið mitt upp á hár. Sumsé, ágætur, jafnvel bara fínn dagur kominn í gang. By the way, flott riff hjá rauðhærða ruddanum.
Það kom mér því frekar mikið á óvart þegar miðdyrnar lokuðust strax aftur á mig og ekki bara þannig að ég kæmist ekki strax út heldur þannig að ég festist tímabundið í dyrunum. Fyrir þau ykkar sem ekki þekkið mig nægilega vel þá ættuð þið að vita að ég læt alltaf hausinn leiða mig um umhverfið. Þetta veldur því að í hvert sinn sem ég fer inn í eitthvert lóðrétt plan, N, þá er hausinn minn alltaf fyrstur ásamt annarri hvorri löpp að skera þetta plan. Þessi lífeðlisfræðilega staðreynd olli því að ég festist tímabundið í miðdyrunum með hægri löpp og haus út úr strætó og líkama\{hægri löpp og haus} inni í strætó.
Spurning mín til þeirra sem þetta lesa er eftirfarandi: Batnaði dagurinn eða versnaði við þennan atburð? Þetta eru tvær spurningar. Beint annars vegar að lesandanum og hins vegar að mér. Svarformið skal vera:
Ég já/nei
Sve já/nei

Á ég að hætta með hitt bloggið, og hafa líka rugl hér?