Þjóðverjar eru asnalegir, samt alveg ágætir

Kvöldmatur 0: Nautalund með kartöflubátum og piparsósu, ásamt maískólfi.

Kvöld 0: Bíll framtíðarinnar valinn, GL420 CDI.

Dagur 1: Charlottenburg skoðuð að takmörkuðu leyti. Ekki verslað í KaDeWe, bara chillað.

Kvöldmatur 1: Nautalund með bakaðri kartöflu og piparsósu, án maískólfs.

Kvöld 1: 25% sigur okkar Guðlaugar á Bjögga og Gróu í Sequence.

Dagur 2: Potsdamplatz skoðað, ásamt múrnum. Ekki verslað í Arkaden, bara borðað.

Kvöldmatur 2: Dúfulæri og bringur með madeirasósu, rósakáli og foie gras smurðu ristabrauði.

Kvöld 2: 100% sigur drengja á stelpum í Trivial Pursuit. Háð vegna óeðlilegs minnis. Hver veit ekki hvaða spendýr hefur þyngsta heilann? Kommon! 33% sigur á hinum.

Dagur 3: Keyrt heim. Tekinn af lögreglunni, -35 Evrur. Sprakk dekk á 140km/klst, ekkert mál. Bíll startaði ekki eftir dekkjasprengingsflokk. Bíll startaði ekki þegar átti að keyra honum upp í ferjuna, ýta bíl í 200m. Ferjan sökk ekki.

Kvöldmatur 3: Vedbæk pizza með Beikoni og Pepperóní, bara upp á flippið.

Kvöld 3: Algjört chill, Barcelona vann Bilbao, Stenson vann accenture og Guðlaug sofnaði á mér klukkan níu.

P.S. Þetta var góð ferð, og enn eitt smábarnið keppir nú um mússikrúttbikarinn okkar Guðlaugar, nefnilega hún Arna Liv þeirra Gróu og Bjögga.

Þraut: Af hverju velur fólk sér mullet/bundesliga hárgreiðslu?

Fréttir af eyrinni

Begginn var í heimsókn um helgina og það var gríðarlega gaman. Ég þurfti virkilega á honum að halda því allt kvenfólkið sem ég umgengst hérna úti er hægt og rólega búið að dempa kímnigáfuna sem ég tel mig hafa. Þetta rann upp fyrir mér þegar við helgargengið; Ég&Stuðlaug, Tóta og ofsafengin og U&E_ai vorum á leiðinni á Italiano að fá okkur ostalummur. Þá sagði die toten Hosen: Hei, það er útsala í hannyrðabúðinni. Ég má ekki missa af því. Við þetta rann upp fyrir mér að ég er hættur að nenna að hæðast að svona athugasemdum því að kvenfólkið gefur manni bara ill augu ef maður segir eitthvað þannig.

Það var því mikill léttir að hlæja með einhverjum að vitleysunni í stelpunum og undra sig á því hvað þær geta talað ofsalega mikið.

Á Laugardaginn var tekinn labbingur niðrí bæ ásamt ferð í golfbúð dauðans. Um kvöldið var Litla apótekið tekið á þetta með Steina stút og spúsu hans, Jóhönnu. Gyða var of merkileg með sig til að nenna að mæta og því verður hún héðan í frá þekkt sem merkikertið. Kvöldið var allt hið ágætasta enda ekkert merkikerti til að saurga umræðurnar.

\Begin og ég fórum líka tvisvar í golf um helgina, samtals 27 holur. Föstudagurinn var rosalegur, við fórum báðir 9 holur á 48 höggum og ég setti 4 bogey og 3 pör og skeit upp á bak á tveimur holum. Á sunnudaginn vöknuðum við snemma og tókum 18 holurog Sveinninn skeit alveg upp á bak, var að meðaltali 2 höggum verri en Anfangen á öllum holum. Til dæmis var 15, 12 og 10 á skorkortinu mínu. Það er nú sannað að Schweinehund þarf að fara í kennslu ef þetta á ekki bara að vera asnalegt.

Um Sunnudagskvöldið var tekin purusteik á þetta. Tvö stykki reyndar, ein fyrir mig og ein fyrir hin. Hrikalega gott og ofát átti sér þ.a.l. stað. Svo var tekinn spilíngsflokkur á þetta, kk. vs. kvk. og það fór allt fram eðlilega. Trivial var basic og Party&Co var trivial.

Annars er það að frétta að janúarkúrsinn hennar Guðlaugar fór á besta veg, með áherslu á besta. Verkefnið mitt þokast áfram með hraða hljóðsins, í tómarúmi. Það er frekar erfitt að hafa sig í einhver stórvirki þegar maður veit ekki alveg hvernig tilraunir maður á að gera.

Ég er búinn að downloada frekar miklu, t.d. er Monty Python's Flying Circus á leiðinni á iPodinn, líklega í næstu viku. Það er töff.

Ég er ennþá mikið í Mastodon, ásamt gömlu hetjunum eins og Pantera, Leddaranum og Dio. Tenacious D platan nýja er líka frekar skemmtileg.

Það gerðist líklega í fyrsta sinn í dag að mig langaði að sjá mynd sem er með Forest Whitaker. Batnandi manni er best að lifa / Heimur versnandi fer.

Allavega, í kvöld verður slappað af yfir ólöglegu Idoli og farið snemma að sofa. Kannski líka gætt sér á íslensku nammi sem er nú til í álíka miklu magni og á Vegamótum (á Snæfellsnesi, djammarar).

Ég er alveg viss um að allavega einn kvenkyns lesandi trúir öllu sem stendur hér að ofan.

Ég gleymdi reyndar að segja frá ferðinni á Hvítan og Pisst.

Þetta ætlaði ég að segja ykkur þann 8. janúar en ég gat ekki bloggað

Ég, Svenni, er byrjaður á mastersverkefni. Titillinn er "Elastodynamic Waveguides." Þetta er svona frekar mikið fræðilegt stöff, tengt hátíðniörvun á einföldum ólínulegum kerfum. Einhver rússadjöfull hefur sumsé leitt út alls konar drasl sem gefur til kynna frekar áhugaverð fyrirbæri sem eiga að gerast við hátíðniörvun og ég á að reyna að sýna fram á að þessi fyrirbæri eigi sér einhverja stoð í raunveruleikanum. Pretty non-basic sumsé.

Stuðlaugin er núna í janúarkúrsi sem fjallar um jarðskjálftaverkfræði. Hún mun svo byrja á sínu verkefni í byrjun febrúar. Hún er líka komin með 13 númer tvö, sem er frekar svalt en ég er viss um að hún vilji ekki að ég geri alheimi það kunnt. Það er bara svo gaman að stríða henni smá.

Mastodon, sem er hljómsveit, er í uppáhaldi þessa dagana en það er líka fræðiheitið á loðfíl sem lifði í Ameríku fyrir þónokkrum árum.

Ég fékk golfskó, polobol og golfhanskann minn um jólin svo að ég er að hugsa um að fara í golf næstu helgi, ef það gefst tími. Veðrið hérna er sumsé ekki breytt frá september.

Jæja, nú er ég farinn að tala um veðrið og því verð ég að hætta þessu og halda áfram að lesa mér til um alls konar ólínulegheit.

Þraut: Í hvaða rokklagi á ensku er þessari huggulega setningu varpað fram? Gef mér eina ástæðu til að ekki rífa fjárans andlitið af þér, hví líturðu ekki vel í þessi augu því ég er sá sem mun rífa fjárans hjartað úr þér.